Helgi Rafn Ingvarsson (1985) spilaði á Bariton horn í Skólahljómsveit Kópavogs undir stjórn Össurar Geirssonar ´94-´01 og gekk svo til liðs við Kór Menntaskólans við Hamrahlíð ´01-´03 sem bassi hjá Þorgerði Ingólfsdóttur. Samhliða því lagði Helgi stund á söngnám við Söngskólan í Reykjavík hjá Margréti Bóasdóttur og kláraði miðstig vorið ´06.

Haustið ´06 hóf hann nám í tónsmíðum til BA gráðu hjá Listaháskóla Íslands. Meðal annarra voru kennarar hans þar Kjartan Ólafsson, Tryggvi M. Baldvinsson, Hróðmar Ingi Sigurbjörnsson og Árni Heimir Ingólfsson. Á öðru ári sínu við LHÍ fékk Helgi sumarstarfsstyrk frá Kópavogsbæ til að skrifa óperu í samstarfi við handritshöfundinn Árna Kristjánsson, Garðar Cortes og óperudeild Söngskólans í Reykjavík. Ópera sú hlaut nafnið Skuggablóm

og var frumflutt í Salnum, Kópavogi, október ´07.

Haustið ´08 komst Helgi að sem skiptinemi í Tónlistarháskólanum í Malmö, Svíþjóð,

og lærði þar hjá Rolf Martinsson. Helgi útskrifaðist ´09 með BA í sígildum tónsmíðum.

Árin ´09 til ´11 kenndi Helgi tónfræði, tónheyrn, tónlistarsögu, píanó fyrir byrjendur og samspil við Listaskóla Mosfellsbæjar og Tónsali í Kópavogi. Samhliða vinnu sinni nam Helgi Jass útsetningar 1 við Tónlistarskóla FÍH hjá Óskari Einarssyni.

Á tímabilinu ´09 - ´11 var tónlist Helga flutt við ýmis tilefni og má þar t.d. nefna: Fjöllistasýningin Orbis Terræ-Ora á Listahátíð Reykavíkur ´09, Hnykill, Leikhúsdekur á Norðurpólnum 2009, báðar undir leikstjórn Margrétar Vilhjálmsdóttur, og Formið flýgur, samstarfsverkefni Íslenska Dansflokksins, Helga og Fatahönnunarfélags Íslands í tilefni af HönnunarMars 2010, flutt í Hafnarhúsinu.

Í desember ´10 komst Helgi inn í Mastersnám í Guildhall, School of Music and Drama og hóf þar nám haustið ´11. Kennari hans þar er Matthew King, en einnig sækir Helgi reglulega tíma til Julian Anderssons og Julian Phillips. Helgi útskrifaðist með Mmus í tónsmíðum þann 2.nóvember. Um þessar mundir er Helgi “fellow” í tónsmíðadeild Guildhall þar sem vinnur að hinum ýmsu tónsmíðaverkefnum í samstarfi við meistara- og doktorssvið skólans.

2012 hlaut Helgi styrk til að sækja tónsmíðnámskeið í ágúst sama ár fyrir lengra komna í Dartington International Summer School, Englandi þar sem þýska óperutónskáldið Detlev Glanert kenndi. Styrkur sá var veittur af The Michael Tippett Musical Foundation. Þar starfaði Helgi náið með Ben Gernon, upprennandi hljómsveitarstjóra, og The Composers Ensemble.

Af þeim tónsmíðum og verkefnum sem Helgi hefur skrifað og tekið þátt í undanfarin 2 ár ber helst að nefna Become fyrir víólu og píanó sem einnig heyrðist í Kaldalóni, Hörpu á Myrkum Músíkdögum í janúar 2012, þá útsett fyrir kvintett, flutt af Elektra Ensemble. Tónlist Helga hefur verið flutt í tvígang í Wigmore Hall, London, einum virtasta kammertónleikasal í Evrópu

og The Place-dance theatre í samstarfi við unga danshöfunda í London.

Lokaverkefni Helga í Meistaranámi sínu var kvintettinn Penelopeia, skrifaður fyrir Chroma Ensemble og var það verk frumflutt 5.júlí 2012 í Guildhall school, London.

Í Janúar 2013 völdu meðlimir BBCSO (British Broadcasting Corporation Symphony Orchestra) 3 tónsmíðanema frá Guildhall school til að skrifa fyrir oktett, samansettan af meðlimum BBCSO og framhaldsnemum frá Guildhall School undir stjórn Richard Baker og var Helgi þar á meðal. Verkin þrjú voru tekin upp 15.mars og útvarpað á BBC.

Um þessar mundir vinnur Helgi að nýrri óperu sem verður framleidd af  Guildhall, School of Music and Drama og sett á svið í The Courtauld Gallery, Summerset House, London á næsta ári. Handritið skrifaði Lori Ann-Stephens en hún fagnaði sigri í ENO mini-operas á síðasta ári (English National Opera) með handriti sínu The Sweeper of Dreams.

----------

FERILL (stuttur)

Helgi Rafn Ingvarsson (1985) spilaði á Bariton horn í Skólahljómsveit Kópavogs undir stjórn Össurar Geirssonar ´94-´01 og gekk svo til liðs við Kór Menntaskólans við Hamrahlíð ´01-´03 sem bassi hjá Þorgerði Ingólfsdóttur. Samhliða því lagði Helgi stund á söngnám við Söngskólan í Reykjavík hjá Margréti Bóasdóttur og kláraði miðstig vorið ´06. Á tímabilinu ´06-´09 nam hann tónsmíðar til BA gráðu við Listaháskóla Íslands.

Helgi útskrifaðist með Mmus í tónsmíðum þann 2.nóvember frá Guildhall, School of Music and Drama í London. Kennari hans þar er Matthew King, en einnig sækir Helgi reglulega tíma til Julian Anderssons og Julian Phillips. Aðrir fyrrum tónsmíðakennarar Helga eru Kjartan Ólafsson, Hróðmar I. Sigurbjörnsson, Rolf Martinsson (SWE) og Detlev Glanert (GER). Um þessar mundir er Helgi „fellow“ í tónsmíðadeild Guildhall þar sem hann vinnur að hinum ýmsu tónsmíðaverkefnum í samstarfi við meistara- og doktorssvið skólans. Meðal hópa sem Helgi hefur unnið með má nefna meðlimi BBCSO, Chroma Ensemble, Elektra Ensemble og tónlist Helga hefur verið flutt í Wigmore Hall, BBC´s Maida Vale studios; á tónleikahátíðunum Myrkir Músíkdagar, NewDots og London City Music Festival, svo dæmi séu tekin.